إمام مسجد في قنا يخصص خطبة الجمعة لـ«أبوتريكة».. ويمنحه لقب أمير قلوب الشباب
محمد أبوتريكة
خصص إمام مسجد في قنا خطبة الجمعة أمس، للإشادة بما فعله محمد أبوتريكة، لاعب منتخب مصر، عندما كشف عن فانلة يرتديها مكتوب عليها «تعاطفاً مع غزة» إثر إحرازه هدفاً في السودان السبت الماضي، خلال بطولة الأمم الأفريقية.
واعتبر الشيخ عبدالرحمن أحمد محمد، إمام وخطيب مسجد أبوبكر الصديق في حي راغب بمدينة قنا، ما فعله أبوتريكة دعوة إلي الإسلام بالحسني ونصرة لإخوانه المستضعفين في غزة، وقال إن الرسالة وصلت إلي أبعد حدود الكرة الأرضية، واستنكر في الوقت نفسه معاقبة اللاعب ببطاقة صفراء، معتبراً العقاب تكميماً للأفواه التي تحث علي نصرة المستضعفين.
كان إمام المسجد قدم خطبة مطولة عن الدعوة إلي الله بالحسني، واستشهد فيها بقصة استشهاد سيدنا «مصعب بن عمير»، ثم خصص الجزء الثاني من الخطبة لما يشغل الناس في أمور حياتهم، وركز علي ما حدث الأسبوع الماضي من اللاعب محمد أبوتريكة والإنذار الذي حصل عليه بعد إعلان تعاطفه مع أبناء غزة،
وقال إن هذا التصرف جعله «أميراً لقلوب الشباب الذي يحذو حذوه»، ودعا الخطيب الشباب إلي نصرة إخوانهم بأي وسيلة سواء علي شبكة الإنترنت أو الهواتف النقالة بدلاً من قضاء الساعات بحثاً عن أمور قد لا تفيد، والاستفادة من مواقع عملهم في الدعوة إلي الله ولو بكلمة صادقة وإحسان العمل مصداقاً لقوله: «ومن أحسن قولاً ممن دعا إلي الله وعمل صالحاً وقال إنني من المسلمين وقال الإمام لوسائل الاعلام المهتمة بخطبتة«لست أهلاوياً ولا زملكاوياً لكنني أهتم بما يهتم به الناس ويشغل بالهم، وأمور الحياة كلها متصلة ببعضها البعض»
نصرك الله ياابو تريكة واكثر من امثالك
هناك 23 تعليقًا:
السلام عليكم
أنا عارف إن انا تقلان عليكم ومش بزور مدونتك ...بس أعمل إيه ..النت وحش خالص
وعموما أبو تريكة راجل بجد بجد أنا حبيته أكتر علشان فعلته دي
المهم اللهم إنصر إخواننا المرابطين في غزة
تحياتي لكي
سلام
ابو تريكه يستحق التحيه لكن شركه جوجل لماذا رفعت الصوره من على موقعها ومنعها من البحث
ميييييييييين
مشمش
ازيك يا صاحبي
والله ليك وحشه
ابو تريكه ده لاعب اخلاق وبجد انا شايف انه يعتبر امتداد لناس كتار زي محمود الخطيب
والحركه اللي عملها دي مش جديده عليه لانه انسان مصري اصيل اتربى تربيه سليمه في اسره مصريه بجد
مش زي لعيبه تانيه
تشرب مخدرات ولا تزور ولا تتوسط في رشوه
ليك وحشه والله يا مشمش
سلاموووووووووز
عبد الرحمن ياسين
معلش ماهو النت وحش عندنا كلنا بس هنعمل اية
صوت من مصر
اول مرة اسمع المعلومة دي وعلي العموم دلوقتي بقت اي حاجة متوقعة مش غريبة
سووووووووو
وانت كمان والله وكلكو ليكو وحشة وادعولي باة عشان احنا داخلين علي منعطف تاريخي
سلالالالالالالام
ابو تريكة موش بيعرف فى السياسة
و الساسيين موش بيعرفو فى الكورة
صح؟
بس ابو تريكة لما عملها؟ طلع اجدع من السياسيين
غريبة شوية؟
ناس كتير أو كلهم تقريبا ماكانوش يعرفوا حاجة عن اللى بيحصل فى غزة , لكن بعد اللى عمله أبوتريكة الناس بدأت تسأل و تتسائل , و البعض تمنى المشاركة الفعلية لمساعدة اخواننا فى غزة
عجبتنى جدا خطبة الشيخ
قليل أوى لما نسمع فى خطب الجمعة ما يدل على تفاعل الخطب بالأحداث الجارية
تحياتى
برااااااااافو عليه
شغله بسيطه بس معناها كبير
ولاقت صدى عند الناس
من أكتر الشخصيات الموجودة حاليا اللي باحترمها
ربنا يكرمه هو وكل الشخصيات اللي مبتغيرش جلدها لم تتشهر ويعلو نجمها ..
شخصيا أنا معجب بكتاباتك "مشمش" لكن تنقصك الجرأة في أن تكشف عن نفسك هل أنت بنت ولا ولد في كتاباتك مرة تتكلم على إنك انثى ومره على إنك ولد المهم شاكر جدا لتعليقاتك عندي في المدونة التي شرفت بك واتمنى أصدقاءك ومحبيك يشرفونا كمان بتعليقاتهم ثانيا وبخصوص إمام المسجد وموقف أبوتريكه ، أثني فيه على الخطيب لذكائه ومعرفته بانشغال الناس هذه الأيام بكأس الامم الافريقية لذا كان طرحه في هذا التوقيت يستحق عليه الثناء فلابد من ربط خطبة الجمعة بواقعنا اليومي الذي نعيشه وهذا هو التجديد الفكري في فن الخطابة مع خالص تحياتي
خروشات
ماهوة دة الجميل والمثير في الموضوع انو ملوش في السياسة ونجح فيها وكسر الدنيا
جميز
اهلا اهلا الاول
ثانيا الي عملو شيخ المسجد كان تعبير جميل عن الي رفضو المسئولين يعني من باب اولي ميشغلش بالو شيخ الجامع لو كان فعلا اي جهه ممكن تتملص من احساسها بالي في غزة ويقول احنا ملناش علاقة دي حاجات سياسية
الاسم الجديد
تحياتي ليكي وميرسي علي زيارتك
قليل من التفكير
اسمعها مني كلمة حكمة الرك علي الاصل
فعلا الاصل الطيب لا يتغير ابدا مهما حصل
اسامة ابو الخير
دة مش نقص جراة دي موهبة ممكن ابقي ولد بنت راجل ست عجوز اسد فار قطة اي حاجة بس انت قول يارب
وميرسي جداا علي مدحك علي كتاباتي ورفعك من روحي المعنوية وبخصوص ابو تريكة وامام المسجد الجميل فية ان السياسة في كل حاجة حتي الاطفال ممكن يقولو كلمة دلوقتي في قمة السياسة
الله عليك يا حضرى
رقصت قلوبنا كلنا معاك
ياريته يتكرر فعلا
مشمش
انتى رجعتى بجد
مش مصدقه نفسى
كنت قلقانه قوى
وكنتى وحشانى قوى
بس مش عارفه ليه
حاسه فيكى حاجه متغيره
مقدرش اقول حلوه او وحشه بس مختلفه
يا ترى هى ايه؟
اوعى تغيبى تانى من غير ما تقولى
احياتى يا غاليه
اه صحيح
من فرحتى بيكى نسيت اعلق على الموضوع
بصى انا قريت حاجه مش عارفه فى مدونه ولا جورنال
معناه ان نجاح ابو تريكه كلاعب هو اللى منحه الفرصه لاعلان موقفه وعرض القضيه باختصار قدام العالم كله
يعنى النجاح فى كل حاجه هو اللى هيخلينا نقول ونعمل اللى احنا عايزينه
انا بحب ابو تريكة اللاعب و الانسان
و اكره من يستغلون موقفه
لماضة
ميرسي لحضورك يادكتورة
مني
ربنا يخليكي ليا وميحرمنيش من سؤلك عني واوعدك مش اغيب باذن الله تاني وطبعا النجاح بيدي قوة لاعلان اي حد راية قدام اي حد يعني بيكون انسان موثوق فية وهيلاقي الي يصدقة ويسمعلة مدام ناجح
ملك الكبدة
وهوة كمان اكيد بيحبك
ميرسي ليك اويي
" ان ينصركم الله فلا غالب لكم "
صدق الله العظيم
على ما اعتقد ان رد فعل ابو تريكة ده اللى المفروض يحص والمفروض انه يتكافئ مش ياخد انذار
إرسال تعليق