الأحد، 25 نوفمبر 2007

كياني


يعني اية كلمة كيان

سالت نفسي كتير اوي السؤال دة يعني اية يعني كرامة الانسان مثلا ولا دراستة وتحقيق زاتة وانجازاتة في حياتة ولا شكله قدام الناس والي بيحيط بيه من الخارج يعني مظهرة وتعليمه وثقافته ومستوي عيلته ولا هوة روحه الي لما لو اتجرحت بيبقي ضايع وملوش كيان ولا هيا كلمه بيقلوها المثقفين الي انا منهم ومش فاهمين معني ليها حقيقي وواضح الي خلاني اتشغل بالموضوع اني شفت فيلم اجنبي بتدور قصته حول ان الشر وهو متمثل في بنت جميله عايزه تقايض شخص فاشل في حبه وشغله وكل حياته بانها تنفذ ليه7طلبات ولما يتنفذو تاخد منه كيانه الي اوهمته في البدايه ان كيانه ملوش قيمه لانه شخص فاشل وكتبو عقد بكل ده وبتستمر احداث الفيلم وقبل الطلب الاخير بيرفض وبيقولها ان كياني اهم انا محققتش حاجه مهمه من غير كياني بس الي حيرني انه رجع زي ماهوه مع بعض كلمات الاعجاب منها انه مرضغش لطلباتها زي ناس كتير وان الشر مخدش كيانه بس السؤال هنا ايه هوه كيانه الي الشر مخدوش ولو كان خده كان هيحصل ايه ماهو اصلا فاشل بس عنده كيان ياريت حد يقولي يعني ايه كيان ومن غير فلسفه لاني عارفه كل كلام المثقفين في الموضوع ده انا عايز اعرف ببساطع ايه هوه الكيان وبنلاقيه فين في جسم الانسان وبيتاخدلو دوا يعني لما بيوجعنا ولا بنستاصله

بس كل الي عارفاه اني عندي كيان انا معرفش فين بس مش مهم اكيد انا زي كل الناس عندي كيان بس مش قادر احدد هوة فين ؟؟؟؟؟؟؟؟

الخميس، 22 نوفمبر 2007

امي الحبيبة


بحبك ياامي مهما عملتي عشان انتي امي بحبك وعايزة اقولهالك بس مش عارفة متعودتش اقولها ومتعودتش اقولها بحبك عشان انتي سبب وجودي للدنيا واستحملتيني وانا في بطنك واتولدت في حضنك لحد ما كبرت وبقيت اطول منك بحبك عشان ادتيني لون بشرتي وشعري الطويل وضحكتي بحبك ياامي بحبك عشان كل الي ادتهولي وضحيتي بية عشاني بس ليا عندك عتاب صغير ومش مستنية منك رد لاني بكتبة هنا وعرفة انك مش هتقرية لية ياامي نستيني وسط اخواتي مع اننا مش كتير لية بعدتيني عن حضنك وخلتيني وحيدة لية خلتيني ادور علي الحنان والحب عشان ملقتهمش منك لية وانا صغيرة اتشغلتي عني باصحابك وجيران وقرايبك ووزعتي عليهم حنانك الي هوة اتوجد جواكي عشاني انا لية حبيتي اخواتي اكتر مني واعلنتي دة قدامي وقدام الناس من غير ماتخافي علي مشاعري لية قولتيلي انك حملتي فيا غلطة ومكنتيش عاوزاني لية مكنتيش بتتكلمي معايا وسبتيني اواجه الدنيا لوحدي كان كل كلامك اوامر معرفتيش تعرفيني الغلط من الصح بحنيه وفهمتيني سبتيني اواجه الدنيا لوحدي اغلط واعرف الصح لوحدي بس كنت اضعف من اني اواجه الدنيا اتجرحت كتير وانتي متعرفيش وانتي محستيش مبصتيش في عنيا وعرفتي اني عايزة اتكلم واحكي الي جوايا مقربتيش نستيني لحد ما وصلنا لليوم ده بحبك ومش قادره اقولها بقيت انا الي ببعد مش بحب وجودك معايا ولا مع اي حد اتعزلت وبقيت لوحدي اوقات بحس اني اتيتمت في وجودك لية ياامي محستنيش مقربتيش انا اهم ياامي انا اهم من اي حاجة في الدنيا اخواتي كبار لية بتحبيهم اكتر مني هما مش محتاجيلك انا محتجالك لية عملتي كده انا مش وحشة انا بحبك اوي بالرغم من كل حاجة انتي امي وانا بنتك ومحتجالك معرفش الي اتكسر بينا والجسور من الغربة الي اتبنت بينا اية ممكن يشيلها مش عارفة بس ياريت تعرفي اني مش جافه ومش وحشه انا بحبك ومحتجالك ولسه محتجالك بس مبتكلمش مش عرفه اتكلم خلاص وانتي الي عملتي كده بينا ياريت تسامحيني لو كنت زعلتلك في يوم وتعرفي اني بحبك اوي

امي الحبيبه سامحيني واعرفي انك غاليه عندي اوي ولما بشوف حد من غير ام ببقي نفسي ادخل البيت ادور عليكي انتي في اني اوضه واترمي في حضنك واقولك الحمد لله انك موجودة ويارب اموت انا قبلك عشان مشفش اليوم دة بس لازم تحسي بيا انا

امي الحبيبه سامحيني علي سؤء ادبي ومعاتبتك بس مش قادرة اسكت لازم تعرفي انك غلطانه ومع ذلك بطلب منك انك تسامحيني انتي وتقربي

بحبك ياامي