الخميس، 3 أبريل 2008

اين اسراءعبد الفتاح


اضراب عام فى كل مصر يوم 6 ابريل
تم تحويل اسراء عبد الفتاح عضو حزب الغد وأحد المشرفين على موقع كتاب الوجه (فيس بوك) إلى قسم قصر النيل للتحقيق
اسراء تم الافراج عنها ولكن لم تعد الي منزلها ولا يعرف احدا اين ذهبت ولم يتم نشر اتهام اهلها لوزارة الداخلية بخطفها بعد الافراج عنها لماذا افرجوا عنها اصلا خوفا من الصحافة ومانشرتة عن اسراء وماذا فعلت اسراء لتعتقل
عندما تزور موقع اسراء ستجد صورة مشرقة لها وبعدها كلمات اعتادنا عليها لم تعد تصدمنا عند سماعها ولكن عندما تجتمع هذه الجمل في موقع واحد لابد ان تنتبه
اضراب عام في مصر / حال الشارع المصري / نحن ضد الحكومة /اعتصامات / اعتقالات / الخط الساخن /المعتقلين في البريد / طلب تتطوع / وفيات / مظاهرات
هذا ما يملا موقع اسراء لم تكتب عن الحب ولا عن الحياة ولا عن احلامها ولا عن تفاصيل يومها
كتبت عن حال ملايين الناس ويبدو انها لم تكن مختفية فكانت الحكومة تعلم كل شيء منذ ولادة الموقع الا ان جاءت القشة وهي كتابتها
عن الاضراب
اتفقت كافة القوي الوطنية في مصر علي ان يكون يوم 6 ابريل يوم اضراب عام في مصر خليك قاعد في البيت او شاركنا في الميادين العامة اوعي تنزل لكن شاركنا متروحش الشغل متروحش الجامعه متروحيش المدرسة متفتحش المحل متفتحش الصيدلية متروحش القسم متروحش المعكسر
عايزين مرتبات تعيشنا عايزين مواصلات ادمية عايزين نشتغل عايزين تعليم لاولادنا عايزين مستشفيات عايزين دوا لاولادنا عايزين قضاء منصف عايزين امن وامان عايزين حرية وكرامة عايزين شقق للعرسان
مش عايزين رفع اسعار مش عايزين محسوبية مش عايزين ظباط بلطجية مش عايزين تعزيب في الاقسام مش عايزين اتاوات مش عايزين فساد مش عايزين رشاوي مش عايزين اعتقالات مش عايزين تلفيق قضايا قول لاصحابك ومتخلهمش يروحو الشغل انشر الموضوع دافع عنة
حزب العمل الوطني حركة كفاية الاخوان المسلمين حزب الكرامة حزب الوساطة حركة موظفي الضرائب العقارية عمال غزل المحلة حركة اداري وعمل القطاع التعليمي نقابة المحامين حركة اساتذة الجامعه انسخوا الرسالة وابعتوها لكل الي تعرفوهم بالشات والموبايل والتلفزيون واي وسيلة بينا وبايدينا بلدنا هتتغير ان شاء الله
دة الي قالتة اسراء ودة الي حبسها وبهدلها ومنعرفش حصل فيها اية ولا هيا فين دلوقتي
والبوست دة مش عشاني دة تعاطفا مع اسراء الي هي مننا ممكن تكون اختك او بنتك او حبيبتك ومعملتش حاجة حرام او غلط دي دافعت عن بلدها بكلام مجرد كلام حصلها كل دة امال الي اعتقلوهم في المظاهرة حصل فيهم اية تخيلوا معايا

هناك 3 تعليقات:

أحمد بكر يقول...

ان شاء الله تكون بخير اللى زى اسراء ميتخفش عليها
و زى ما اجبرتهم يفرجوا عنها هتجبرهم ميضروهاش
و انا واثق ان لو جرالها حاجه هيكون برضه صوتها عالى
ان شاء الله نطمن عليها
تحياتى

مشمش يقول...

بكر
ان شاء الله خير وبما انك الوحيد الي علقت ومسبتنيش في الصحرا دي يبقي لازم احييك تحية كبيرة طلقتين في الهوا يعني عشان خاطرك
وعاجبني حماسك ليها اوي انت فاهمني صح

أسامة أبوالخير يقول...

تحياتي مشمش لا أقول لكي إلا كلمة "إذا أظلمت فلابد لها يوما أن تنجلي، ومهما طال الليل فلابد من بذوغ الفجر"